Ginapahalong sang Sangguniang Panlungsod sa ciudad sang Bacolod ang mga pumuluyo kasunod sang makaalarma nga madasig nga pagsaka sa kaso sang dengue.
Sa interview sang Bombo Radyo Bacolod kay Councilor Claudio Jesus “Kalaw” Puentevella, chairman sang Committee on Health and Sanitation sa Sangguniang Panlungsod, ginakasubo sini nga tuman kataas ang ginsaka sang kaso sang dengue sa ciudad sang Bacolod kag may yara na sang tatlo nga napatay bangud sa balatian santo sa data nga nakuha sini matapos ang pagcoordinate niya man sa mga doctor nga in-charge.
Suno kay Puentevella, 73.5 percent ang ginsaka sang kaso sang dengue sa ciudad.
Nagapanawagan man ini sa tanan nga likawan lang anay ang mga outdoor activities kag nagapanugyan man ini sa mga kabataan nga nagapangita sang damang nga likawan anay ini agud nga indi na magdugang ang pagsaka sang kaso sang nasambit nga balatian.
Bukas man ang opisina sini kun may yara sang magarequest sang fogging.
Nagpanugyan man ini ipabilin ang pagpaninlo sa palibot ilabi na nga nagaulan init ang tyempo sa karun kag madamo ang danaw ukon stagnant water nga mahimo pangitlugan sang lamok nga may dala nga virus nga nagatuga sang dengue.
