Nagpaathag ang konsehal sa ciudad sang Bacolod angot sa hazard pay sang mga empleyado sang city government nga wala pa nahatag.
Sa interview sang Bombo Radyo Bacolod kay Councilor Renecito Novero, ginpahayag sini nga ang pondo sa hazard pay ang maga-agi pa sa accounting office.
Apang isa sa mga kabudlayan nga nangin rason sa delayed nga distribution sini amo nga nagpositibo sa COVID-19 ang city accountant kag kinahanglan sini nga mag-quarantine.
Suno kay Novero, bangud wala naka-duty sa iya trabaho ang accountant, may yara gid ini sang epekto sa proseso sang mga papeles.
Apang, ginkumpirmar naman sang konsehal nga naka-recover na ang amo nga city accountant kag natalana nga magbalik sa trabaho sunong nga adlaw.
Nagapangabay naman si Novero sa mga empleyado nga maghulat-hulat lang anay.
Aminado man ini nga indi bastante ang hazard pa nga ginahatag kag nagalaom nga kuntani madugangan ini.
