Pinaagi sa Press Conferrence, ginpahayag ni former Bacolod City Councilor Ricardo “Cano” Tan, nga ginakalipay sini nga vindicated ukon naklaro na ang iya nga pangalan batok sa alegasyon nga ini kabahin sa Inter-Agency Drug Information Database.
Madumduman nga sa pagbisita ni Presidente Rodrigo Duterte duha ka tuig na ang nakaligad sa syudad sang Bacolod, kabahin sa ginbuy-an sini nga pahayag amo ang mga drugs watchlist kun sa diin ginhinambit nga kalakip ang pangalan ni Tan.
Kasunod sini, makaisa man nga gin-ambush ang anay konsehal nga gintunaan agud indi sini matapos ang iya term of office bangod sa mga pagpamahog.
Pahayag ni Tan naghuman sang rekomendasyon sa Inter-Agency Drug Information Database Committee para sa review kag reevaluation sang Inter-Agency Drug Information Database Committee.
Ang rekomendasyon ang ginpasaka kay Presidente Duterte sang Hulyo 21, 2021 kun sa diin nagpagwa ini sang memorandum kag Department of Interior and Local Government (DILG) Secretary Eduardo Anio nga amo ang nag-issue sang certification sang Agusto 11.
Ginakalipay ni Tan kaupod sang iya nga pamilya nga siya ang vendicated na kag napamatud-an nga wala sang kamatuoran nga yara ini sa drugs watchlist.
Suno sa anay konsehal, kasunod sang nabatun nga memorandum kag sertipikasyon, mapamatud-an na nga wala ini sang kaangtanan sa bisan ano nga drug activities sa Bacolod kag sa iban pa nga mga lugar.
