Preparado na ang mga Bacolod City Disaster Risk Reduction and Management Offfice para sa Undas 2026.
Sa interview sang Bombo Radyo kay DRRMO Bacolod head Dr Anna Maria Laarni Pornan, nakahinun-anon na sila sa mga volunteers kag peronnel nga kun sa diin sila nga nagapuyo didto nalang sila iga-deploy para mahapos sa ila.
Suno diri, may yara sang tatlo ka mga public cemetery sa ciudad sang Bacolod nga ginalakipan sang Brgy Granada, Burgos Public Cemetery kag Handumanan.
Apisar nga wala na ginapalubngan ang Burgos Public Cemetery, ginalauman nga madamo sa gihapon ang magabisita sa ila mga minatay.
Sila ang maga-deploy sang duha ka team nagikan sa DRRMO kag Private volunteers sa Burgos kag Handumanan.
Suno kay Pornan, nagpatigayon na sila sang interagency meeting kaupod si Bacolod City Mayor Greg Gasataya kag nadiskusyunan naman kun ano ang mga preparasyon.
Samtang, sa mga pribado nga mga sementeryo , nakadepende na sa ila bangud may yara man sila sang ginakuha nga mga responders.
Suno diri, napalastar naman sang ciudad ang deployment sang mga personnel sa trapiko.
Naka-red Alert status man sila sumugod sa Oktubre 30 tubtob Nobyembre 2.
Panugyan sini sa mga may mga balatian nga indi magdugay sa pagtinir sa gwa ukon mahimo mag-pondo nalang anay sa ila balay, bantayan ang mga bata nga upod kag madala sang tubig bangud sa tuman ka init nga panahon.
