Padayun nga naka-alerto kag nakapreparar na sa pagresponder ang mga personnel sang Bacolod City Disaster Risk Reduction and Management Office.
Interview sang Bombo Radyo Bacolod kay Earl Edward Ramirez
Sa interview sang Bombo Radyo Bacolod kay Earl Edward Ramirez, Operations Chief sang Bacolod CDRRMO, red rainfall warning ang gindagdag sang national, apang sa ila monitoring yara lamang sa orange rainfall warning ang Bacolod City nga mahimo maka-eksperyensya sang 100-millimeter tubtob 200-millimeter nga ulan halin alas-11:00 sang aga tubtob alas-5:00 sang hapon.
Apisar nga indi gid mabaskog ang ulan, preparado gihapon ang Bacolod CDRRMO kun sa diin napreposition na nila ang mga rescue boats kag rescue trucks, kag ready for deployment naman ang rescuers kag responders.
Sila ang magabantay naman sang masunod nga weather forecast alas-5:00 subong nga hapon.
Sa pagbantay sa mga suba kag coastal areas, gintap naman nila ang flood control monitoring team sang lainlain nga Barangay.
Sa karun, wala man sang recorded nga critical na ang water levels.
Apang apisar sini, ang Bacolod CDRRMO ang nagatsekyar sa mga suba kada tatlo ka oras.
Suno kay Ramirez, indi mapaktan bangod apisar wala sang ulan sa Bacolod City, mahimo gihapon magbaha kun naga-ulan sa bukid kag ang tubig ang magdaludo panaog.
Panawagan sini sa mga pumuluyo nga kun may-ara na sang baha, indi na hulaton nga magsaka ang tubig antes mag-evacuate.
Suno diri, mag-evacuate sang temprano bangod bisan ang mga recuers ang mahimo mabudlayan sa pagbulig kun madalom na ang tubig baha partikular na sa mga suludlon nga lugar.
Kun nabudlayan sa pag-evacuate, mahimo man nga magcontact sa ila agud masugat kag madala sa mga evacuation centers.
