Pabor ang Bacolod City Disaster Risk Reduction Management Office (CDRRMO) sa pagkansela sang klase kahapon bangod sa tuman ka init kun sa diin nagdangat sa 40 degree celsius ang temperatura.
Kahapon nagpagwa sang Executive Order si Bacolod City Mayor Albee Benitez para sa cancellation sang klase sa tanan nga level kalakip na ang kolehiyo sa pribado kag pampubliko nga eskwelahan bangud sa tuman kainit nga panahon.
Sa interview sang Bombo Radyo kay CDRRMO head, Dr Maria Laarni Pornan, ang suspension sang klase ang para man sa kaayuhan sang mga estudyante.
Suno diri, preparado naman ang Department of Education nga indi madelay ang klase inkaso nga liwat nga magpatuman sang class suspension.
Nagpanugyan naman ini nga kun mahimo wala sang outdoor activties sa mga kabataan.
Dugang pa sini, sa mainit nga panahon, mas maayo nga magsuksok sang light colored nga mga panapton kag mag-inom sang tubig, kasubong man nga mag-conserve sang tubig ilabi na sa karun nga may kakulangan sa water supply.
