-- ADVERTISEMENT --
Naka-blue alert status na ang Bacolod City Disaster Risk Reduction and Management Council para sa paskwa kag bag-ong tuig.
Sa interview sang Bombo Radyo Bacolod kay Earl Edward Ramirez, chief operations officer sang Bacolod CDRRMO, bangod nga holiday, ginalauman na sini ang influx sang tawo.
Suno diri, gina-anticipate na nila ang posibilidad nga may magluntad nga emerhensya ukon aksidente.
Preparado na sila kag on standby ang rescuers kag medical services kasubong ang mga equipment kag mga vehicles nila.
Pahanumdom sini nga likawan ang pagsuksuk sang alahas bangod ini makasilaw sa mga kawatan, ilabi na sa karun nga madamo ang tawo kag ini nagahatag sa ila sang dako nga tsansa nga makapangawat.
-- ADVERTISEMENT --
