Nakahanda na ang Bacolod City Disaster Risk Reduction Management Office (CDRMMO) sang syudad sang Bacolod sa magaluntad nga pagbaha kadungan sang pagsulod sang bagyo sa Philippine Area of Responsibility (PAR) kag pagsulod sang tig-ululan.
Sa interview sang Bombo Radyo Bacolod kay CDRRMO cluster head Jomarie Vargas, ginpahayag sini nga ang plano sa pagresponde sa mga pagbaha ang nakaplastar na nga daan.
Apang aminado si Vargas nga nangin masako ang flood control team sang CDRRMO sa COVID-19 operations.
Ginpahayag man sini nga may yara na sang plano nga pagabutangan sang flood wall ang sa creek sa purok Carvic sa Barangay Mandalangan nga masami ginabaha sa tion nga mag-ulan.
Samtang ginpakigbahin man ni Vargas nga natapos na nila ang dredging sa mambuloc creek nga nasakupan sang Barangay 2, 8, 10 kag Barangay 12.
Suno pa diri, gindredge man ang Banago creek apang wala pa nila matandog ang iban nga creek sa syudad.
