-- ADVERTISEMENT --
Nagapreparar na ang Bacolod City Disaster Risk Reduction and Management Office sa posible nga pagluntad sang insidente sa mga firecrackers zone.
Sa interview sang Bombo Radyo Bacolod kay Bacolod City- DRRMO Head Dr. Ma. Laarni Pornan, on standby na sila pananglitan nga may magluntad nga insidente agud nga madasig ang pagresponde kag mahatagan sang nagakaigo nga pagbulong ang biktima.
Suno diri, magalibot-libot man sila sa area agud matsekyar ang sitwasyon kag malantaw kun nagasunod sa mga pagsulondan ang mga nagabaligya sang palupok kaangay nga dapat may yara sang fire extinguisher, balas, tubig kag mga signages.
