Nagapanawagan ang pinuno sang Department of Social Services and Development (DSSD) nga likawan anay ang paghatag sang panapton sa mga fire survivors sang Barangay 27 bangud tuman na ini kadamo kag wala pa ang mga ini sang mabutangan.
Suno kay DSSD head Dr. Richelle Verdeprado-Mangga, nagapasalamat gid sila sa tanan nga donasyon kag naghatag sang bulig para sa mga nasunugan sa Brgy. 27.
Suno kay Manga, kuntani sa Barangay ginpadala ang mga panapton bangod sila ang mas nakahibalo kun sin-o ang hatagan.
Apang bisan ang Barangay sa karun ang napuno naman sang ginpadala nga mga panapton.
Nagapasalamat ang DSSD sa compassion nga ginhatag sang mga pumuluyo sa mga nasunugan, bangud nahibaluan man sang mga ini nga indi mahapos ang gina-agyan sang mga biktima.
Suno sa DSSD Head, mas kinahanglan sa karon sang fire survivors ang hygiene kits, pinggan, kutsara kag tinidor, diaper sang kabataan, undergarments, eco bags kag dako nga mga storage boxes.
