Nagpahanumdom ang election officer sang Bacolod City nga wala na sang extension ang voters registration sa 2025 midterm elections.
Sa interview sang Bombo Radyo Bacolod kay Atty. Revo Sorbito, magatakop na sa September 30 na matakop ang voters registration.
Suno kay Sorbito makapila na sila magpanawagan paagi sa broadcast media kaangay sang Bombo Radyo agud nga magparehistro sang temprano kag wala na sang extension ang registration.
Suno diri, wala na sang extension ang schedule sang voters registration bangud nga sa October 1 magafile na sang Certificate of Candidacy ang mga kandidato kag indi mahimo maguba ang calendar of activities sang COMELEC.
Dugang pa sang election officer sa September 29, Domingo, wala sang opisina ang COMELEC.
Nagpanugyan ini nga kun magparehistro indi na paghulaton pa nga maghapon antes magpadulong sa registration area agud nga magparehistro kag malikawan nga malab-utan sang cut-off.
Suno pa kay Sorbito pasulit-sulit na sila sa COMELEC sa pagpanawagan nga kun maluyag nga magparehistro, magparehistro na kag indi na paghulaton ang ulihi nga adlaw sang registration.
Kahapon, personal nga nagpadulong ang Bombo News Team sa Robinsons Place Bacolod kun sa diin ginapatigayon ang voters registration.
Nasaksihan sang Bombo News Team ang madamo nga nagapila kag ginpahayag man sang pila ka mga nagabantay nga may yara pa sang nagdako ang tingog bangud naabtan sang cut-off.
