May yara na sang Memorandum of Agreement ang Bacolod City Engineer’s Office kag Department of Public Works and Highways tuhoy sa diversion panel sa mga drainage plan.
Sa interview sang Bombo Radyo kay City Engineer Loben Seballos, kalabanan sa concern nga ila gindiskusyunan sa ila pagsapol kay Mayor Alfredo Benitez amu ang Mambuloc Creek, diversion panel kag pagbinaha sa ciudad.
Didto gindiskusyunan ang mga plano kag tikang nga himuon agud ini ang mahatagan sang solusyon.
Suno kay Seballos, ang DPWH amu ang nag-implement sang proyekto samtang ang City Legal Office naman ang magahimo sang tikang tuhoy sa mga informal settlers sa Mambuloc Creek nga suno diri, isa sa mga rason kun ngaa indi matapos ang proyekto ka DPWH.
Nagmando man ang alkalde suno kay Seballos nga magpasa sang blue print kag luyag sini nga i-incorporate ang mga local drainages sa DPWH agud makit-an sini ang litrato sang nagakatabo kag kun ano ang mahimo nga solusyon tuhoy diri.
