Nakahanda ang Bacolod City Fire Station sa paghatag sang ila serbisyo para sa mga delegado sang Western Visayas Regional Athletic Association (WVRAA) Meet 2024 nga patigayunon sa ciudad sang Bacolod kag probinsya sang Negros Occidental.
Sa interview sang Bombo Radyo Bacolod kay Fire Office 1 Paul Servano, Public Information Officer sang Bacolod City Fire Station, magluwas sa ginpatigayon nga water flushing, nagpatigayon man sila sang fire safety inspection sa 12 ka mga eskwelahan nga pagatiniran sang mga delegado agud nga masiguro nga luwas sa sunog ang mga atleta.
Suno kay Servano dapat sa tagsa ka15 metros may yara sang fire extinguisher kag ini ang iprovide sang eskwelahan ukon sang association sang WVRAA.
Ginapaalinton man sini nga sa mga classrooms likawan ang pagsaksak sang mga water heater ukon ang mga appliances nga mataas ang wattage.
Suno diri mahimo man makacharge sang cellphone ang mga atleta sa belitting areas.
Suno diri dapat sa canteen makaon kag magaluto.
Mahimo man magapatigayon sang water rationing antes mag alas 9:00 ang takna sang aga kag pagkaligad sang alas 4:00 sang hapon.
Mahimo man sila makastandby depende sa requests sa pamunuan sang WVRAA kag nagpasalig ini nga willing sila nga maghatag sang serbisyo para pagpatigayon sang WVRAA Meet sa ciudad sang Bacolod kag probinsya sang Negros Occidental.
