Naghatag sang pahanumdom ang Bureau of Fire Protection- Bacolod para sa mga nagabaligya sang palupok sa likod sang Pope John Paul II.
Sa interview sang Bombo Radyo Bacolod kay Fire Officer 2 Paul Servano, spokesperson sang Bacolod City Fire Station dapat ang mga stall sang firecrackers vendors nagatululupad kag dapat kada isa may yara sang nakastandby nga tubig, balas kag fire extinguisher.
Suno diri, dapat sundon ang mga pagsulondan kaangay na lamang kun ano lang ang pwede mabaligya nga palupok.
Samtang, naghatag man sang pahanumdom si Servano nga sa pagselebrar sang holiday season, mas maayo nga mangita sang iban nga alternatibo sa paghimo sang gahod.
Kaangay sa mga kaldero kag iban pa mas maayo nga likawan na lang ang palupok.
Pahayag sini, mas maayo nga magsaulog sang bag-ong tuig nga kumpleto ang tanan nga bahin sang lawas.
