Nagpahanumdom ang Bacolod City Fire Station nga magexercise sang safety kag self-awareness sa pagsugata sang 2025.
Sa interview sang Bombo Radyo Bacolod kay Fire Officer 2 Paul Servano, head sang public information section sang Bacolod City Fire Station, bilog nga adlaw nakastandby ang fire truck sa palibot sang ciudada kag sa forecracker selling areas.
Suno diri, dapat nga magbakal lang sa mga lehitimo nga firecrackers selling zone sa likod sang Pope John Paull II tower kag kun may nagabaligya sa gwa dapat ireport gilayon.
Ginpangkumpiskar naman ang mga sigarilyo nga ginabaligya malapit sa firecrackers selling zone.
Pahayag ni Servano, dapat nga ixercise ang safety kag self awareness kun luyag gid nga magpalupok.
Mas maayo nga maggamit sang stick nga may baga sa punta para magsindi sang palupok, indi pag-ihaboy ang palupok sa madamo nga tawo, kag bantayan ang mga kabataan nga indi makatandog sang palupok.
