Gin-activate na kahapon ang Fire substation sa Barangay Alijis, Bacolod City kasubong man ang pagcommission sang Mobile Motorpool kag launching sang Snorkel Magazine.
Sa interview sang Bombo Radyo kay Fire Chief Supt. Jerry Candido, director sang Bureau of Fire Protection -Western Visayas, may yara na sang siyam tanan ka fire station sa ciudad sang Bacolod kun sa diin ginkalipay sini ang pag-activate sang bag-o nga Fire subtsation sa Barangay Alijis.
Suno diri, ini mas makapadasig sa preparasyon sang BFP-Bacolod sa pagresponde sa mga emerhensya.
Pahayag ni Candido, may yara tanan sang 22 ka firetruck sa ciudad apang ini kulang pa kun isanto sa populsayon sang ciudad.
Ginatinguhaan man sini nga makaangkon sang aerial ladder ang BFP Bacolod ilabi na nga madamo sang matag-as nga mga building sa ciudad.
