Gintawag ni Bacolod City Police Office (BCPO) Deputy City Director for Operations kag pinuno sang City Drug Enforcement Agency (CDEU) Lt. Col. Jovie Espenido bilang “shabulized city” ang ciudad sang Bacolod.
Sa press conference sini nga ginpatigayon matapos ang isa ka bulan nga bakasyon, ginpahayag ni Espenido nga makabig bilang “shabulized city” ang Bacolod bangud sa dalagko nga volume sang iligad nga druga nga nagaka-kumpiskar sang kapulisan sa ila mga buybust operation.
Suno kay Espenido, daw kaangay na lamang nga wala nagahubas ang iligal nga druga sa ciudad base sa mga accomplishments sang mga police stations.
Nagpasalig naman ini nga matapna gid ang problema sa iligal nga druga sa ciudad sa madali nga panahon.
Nagpanawagan man si Espenido sa mga station commander nga ipakita sang mga ini nga wala siya naga-isahanon nga nagahandom nga masolbar ang problema sa illegal drugs sa Bacolod.
