Preparado na ang Bacolod City Government Center nga himuon bilang canvassing center sa May 9 national and local election suno sa city administrator sang syudad.
Sa interview sang Bombo Radyo kay Bacolod City Administrator Atty. Edward Joseph Cuansing, sang tinalikdan na nga semana nakasulat na sa akalde sang syudad si Bacolod City Election Officer Atty. Revo Sorbito kag nakabutang sa sulat ang tanan nga kinahanglanon agud nga mapreparar na.
Makapila naman ka beses nga nakapatigayon sang meeting ang election officer sang syudad kaupod ang mga opisyales kalakip na ang opisina sang city administrator agud nga mahitso na ang tanan nga kinahanglanon.
Halos adlaw adlaw ara man sa BGC si Atty. Sorbito agud nga magset up sang mga gamit sini para sa canvassing sang resulta sang election sa Mayo 9 kag ginabuligan man siya sang syudad.
Magabutang man sang LED monitor sagwa sang session hall agud nga makita man ang nagakatabo sa sulod sang session hall.
Nahitso naman ang security preparations kasubong man ang traffic.
Wala naman sang trabaho ang mga empleyado sa Lunes bangud ini ang special non working holiday magluwas nalang ang may obligasyon sa adlaw sang election.
Sa May 10, bangud may opisina na ang syudad sang Bacolod may mga lugar sa NGC nga off limits sa empleyado kasubong man sa mga pumuluyo nga magatransaksyon sa syudad.
