Makabaton sang tag-40 mil pesos nga bonus subong nga Holiday season ang mga empleyado sang ciudad sang Bacolod.
Ini ang gin-anunsyar ni Mayor Evelio “Bing” Leonardia matapos ang iya nga konsultasyon kay city budget officer Ma. Imelda Williams.
Suno kay Leonardia, makabaton ang mga empleyado sang 5 mil pesos nga Productivity Enhancement Incentives (PEI), 25 mil pesos nga Collective Negotiation Agreement (CNA) nga ihatag pagkatapos sang Disyembre 15 kag 10 mil pesos nga Service Recognition Incentives (SRI) nga igahatag pagkatapos sang Disyembre 20.
Suno sa alkalde, deserved sang mga empleyado ang nasambit nga kantidad bangud nag-perform sang husto ang Bacolod sini nga 2019 kun sa diin madamo ini sang mga nabaton nga mga awards.
Samtang, ginkumpirmar ni Williams nga subong nga semana pa aprubahan sa Sangguniang Panlungsod ang bonus nga ihatag sa 1,375 ka mga regular kag plantilla casuals nga mga empleyado.
