Posible nga indi makabaton sang Collective Negotiation Agreement (CNA) incentives ang mga empleyado sang Bacolod City Government Center kun indi pag i-konsiderar ang apela sang League of Cities angut sa bag-o nga guidelines sang Department of Budget and Management (DBM).
Suno kay Bacolod City Councilor Thaddy Sayson, Chairman sang Committee on Approriations and Finance, kun basehan ang bag-o nga guidelines sang DBM, indi kwalipikado ang ciudad sang Bacolod.
Ini bangud dapat maggamit ang 75 percent sa P400 million nga development fund sang ciudad para sa proyekto kag mga programa sang ciudad.
Apang suno kay Sayson, indi ini malab-ot bangud sa delays sa pila ka mag proyekto, compliance sang permit kag iban pa.
Para sa konsehal, unfair para sa mga empleyado bangud ulihi na ang pagpagwa sang DBM sang bag-o nga guidlines.
Kasunod sini, ginpahayag ni Sayson nga nagpasar sang resolusyon ang Sangguninag Panlungsod nga nagasuporta sa resolusyon sang union sang BCGC nga nagarequest sang DBM sang kosiderasyon.
Nahibaluan nga tubtob P30,000 CNA incentives ang sarang mabaton sang mga regular employee, nakadepende sa ila nga performance kag kadugayon sa trabaho. Samtang, sa kaangot nga balita, nagalaum si Mayor Greg Gasataya nga maaprubahan sang Department of Budget and Management (DBM) ang apela sang League of Cities para sa CNA incentives.
Pahayag ni Mayor Greg, nag-apela na siya sa National Executive Board sang League of Cities of the Philippines (LCP) National President Mayor Francis Zamora nga himuon nga pro-active ang implementasyon sang bag-o nga bag-o nga guidelines umpisa sunod nga tuig 2027.
Suno diri, ang CNA incentives ang iya ka mga empleyado gani mas maayu kuntani nga ginapaggwa sang mas temparano ang bag-o nga guidelines agud napreparahan man sang tanan nga LGU.
Suno sa Aklade, indi lamang ang ciudad sang Bacolod ang apektado diri kundi lakip man ang Iloilo City kag iban pa nga Local Government Unit sa bug-os nga Pilipinas.












