Bacolod City Government, ginapreparahan na ang pagbukas sang klase sa Agosto 22

Ginapreparahan na sang syudad sang Bacolod ang pag-umpisa sang face to face classes sa madason nga semana, August 22.

Suno kay Bacolod City Mayor Alfredo Benitez, tsekyaron pa sang syudad Bacolod kun pila ka mga eskwelahan ang magabukas sang klase subong nga tuig agud nga maplanuhan ang pagmanage sang traffic.

Suno kay Benitez, kinahanglan man nga mahibaluan kun pila ang mga eskwelahan ang magbalik sa face to face clases agud nga mahibaluan man kun sa diin kinahanglan ang deployment sang force multipliers para sa security sang mga estudyante.

Ginpahayag man sang alkalde nga sa bulan sang Nobyembre mabaton na sang mga estudyante ang school supplies nga ihatag sang syudad sang Bacolod.