Handa ang Bacolod City government pananglitan magresume na ang trips sang mga locally stranded individuals subong nga semana kasunod sang duha ka semana nga suspension.
Sa interview sang Bombo Radyo Bacolod kay Councilor Renecito Novero, pinuno sang Quarantine Centers Action Team, gindugangan sang apat ka mga eskwelahan ang ipagamit nga quarantine centers sang mga ginapaabot nga LSI.
Dako ang pasalamat niya kay Department of Education Region 6 Director Gemma Ledesma bangud sa pagpasugot nga gamiton ang dugang nga mga classrooms.
Nagpirmahanay man si Mayor Evelio “Bing” Leonardia kag Ledesma sang agreement sa paggamit sang mga eskwelahan.
Ang mga eskwelahan ang may yara sang dalagko nga classrooms nga mahimo makaoccupy sang apat tubtob anom ka mga LSI.
Ginpahayag man sini nga sarang nga maka-accommodate ang syudad sang 1,300 ka mga returnees.
Ang mga eskwelahan ang ginlakipan sang Sum-ag National High School; Luisa Medel National High School; Mansilingan Agro Industrial High School; kag Luis Hervias National High School.
Nagalaom man ini nga indi magdululungan abot sa syudad agud indi man maoverwhelm ang quarantine centers kag indi man magginutok.
Indi man mahimo nga ihome quarantine ang mga ini bangud mas delikado sa tion nga may infected.
Samtang pangabayon sang syudad ang national Inter-Agency Task Force nga maghatag sang istrikto nga guidelines sa mga airlines kag mga shipping lines sa pagdala sang mga returnees.
Suno kay Novero, dapat limitahan lang sa 600 ang mga pasahero kada semana kag tatlo lamang ka flights ang makasulod sa isa ka semana kag magapadala man sang notice sa syudad ang national IATF antes ang departure sang flight.
Ginakabalak-an man ni Novero nga mahimo nga madelay ang pagdeclog sang quarantine centers bangud sa nagkaproblema nga testing centers.
Mahimo man madelay ang pagrelease sa mga LSI kun madelay man ang paggwa sang resulta.
