Pagasuguran na sang Bacolod City Government ang pagpanagtag sang mga ginbakal nga handheld metal detectors sa mga buluthuan sa Bacolod City.
Suno kay Bacolod City Mayor Greg Gasataya, magaumpisa na sila sa pagpanagtag sa mga pampubliko nga eskwelahan sa ciudad sang Bacolod tubtob nga mahatagan ang tanan sa idalom sang Department of Education Division of Bacolod City.
Suno kay Gasataya, samtang ginahulat pa ang bidding process kag iban pa nga kinahanglanon sa pagbakal sang walk-through medal detectors, unahon anay ang paghatag sang handheld metal detectors.
Madumduman nga sang tinalikdan may yara sang isa ka meeting nga ginpatigayon ang LGU kaupod ang stakeholders kag Department of Education kag may yara sang isa ka proposal ang City Government sang Bacolod para sa security sang mga estudyante nga mas maayo ang may yara sang walk-through medal detectors.
Ini ang mangin isa ka equipment sang mga eskwelahan nga labayan sang mga estudyante sa pagsulod kag pagwa agud matumod kun may yara sang mga dala nga pagkabutang.
Sa karun may yara na sang ginagamit nga handheld metal detectors sa mga eskwelahan kag ini ang pagadugangan lang.
Sa karun may yara na sang 70 ka mga eskwelahan sa idalom sang DepEd-Bacolod nga ginabug-usan sang 45 ang yara sa public elementary kag 25 junior kag senior high school.
Ang mga eskwelahan nga may masobra 2000 ka mga estudyante ang pagabutangan sang metal walk-through detectors.
Ang may gamay nga numero ang handheld metal detectors lamang apang kun may record sang mga insidente kaangay sang ginamo, ginapropose man nga butangan sang metal detectors.
