Ginpahayag sang alkalde sa ciudad sang Bacolod nga magabulig ang Local Government Unit sa pagpangkakas sang mga campaign posters nga yara sa public areas.
Sa interview kay Bacolod City Mayor Alfredo “Albee” Benitez, ang campaign period sa local candidates para sa May 2025 candidates kun sa diin magaumpisa na bwas Marso 28, gani dapat magsunod sa tanan nga COMELEC guidelines kag maghalong.
Suno kay Benitez, magabulig ang ciudad sa pagpangbaklas sang tanan nga mga campaign materials nga napaskil sa mga indi designated areas santo sa guidelines nga ginpagwa sang COMELEC.
Ang tanan nga mga departamento sa ciudad nga may equipment ang magabulig sa pagkakas sang mga election materials nga wala nakabutang sa designated areas.
Suportado man sang alkalde ang COMELEC kag mga law enforcement agencies nga nagapatuman sang pagsulundan sang nasambit nga ahensya sang gobyerno may kaangtanan sa 2025 Midterm elections.
