Ginpasalig sang pinuno sang Department of Social Services and Development (DSSD) sa ciudad sang Bacolod nga gina-preparar na nila ang mga food packs para sa pamilya sang magpositibo nga vendor kadungan sa patigayunon nga surveillance testing sa tatlo ka mga mayor nga pampubliko nga merkado sa ciudad.
Sa interview sang Bombo Radyo Bacolod kay DSSD head Pacita Tero, ginpahayag sini nga ginahanda na nila ang food packs nga ginalakipan sang bugas, canned goods kag personal necessities para sa miyembro sang pamilya sang magpositibo nga vendor pananglitan nga i-lockdown ang mga ini.
Ginkumpirmar man ni Tero nga dal-on naman sa quarantine facility ang positibo nga vendor tubtob nga mag-ayo ini.
Samtang, indi pa makapasalig si Tero kun makahatag sang financial assistance ang city government sa mga mapositibo nga vendor.
Suno sa iya, ipalab-ot niya ini nga issue kay Bacolod City Mayor Evelio “Bing” Leonardia kun ano ang iya nga desisyon.
