Magatukod sang team ang ciudad sang Bacolod agud nga magtutok sa pagpatuman sang Public Utility Vehicle Modernization Program.
Sa interview sang Bombo Radyo Bacolod kay Bacolod City Mayor Alfredo “Albee” Benitez, nagpresentar sila sang resolution para sa modernization program kag nagcommit ang Department of Transportation nga sila ang suportahan.
Nahibaluan nga si Transportation Secretary Vivencio “Vince” Dizon, ang nagpadulong sa Bacolod City Government Center upod ang mga Regional Directors sang Land Transportation Office (LTO) kag Land Transportation Franchising and Regulatory Board (LTFRB) kahapon.
Suno kay Benitez, ang DOTr ang magadihon sang team nga magacoordinate sa ciudad para sa pagpatuman sang ginpropose sang Bacolod City Government para sa PUV modernization program.
Nagalaom ang alkalde nga mahuman na sa madason nga sinemana ang road map sang proposal.
Suno sa alkalde suportado man ni Dizon ang pagpasulod sang e-jeep sa ciudad.
Suno diri ang way forward amo ang economic benefits bangud kun madula ang ginansya sang mga operators wala sang magasunod sa programa.
Apang kun magdihon sang tikang agud nga mahatagan sang economic benefits ang mga drivers kag operators sa pagpatuman sang programa, mahimo nga mangin successful ang modernization program.
