Magapatigayon sang Libre Sakay ang Bacolod City Government para sa apektado sang patigayunon nga transport strike.
Sa pahayag ni Bacolod City Mayor Greg Gasataya, ang City Government ang magahatag sang Libre Sakay sa pila ka mga lugar sa ciudad sang Bacolod para sa mga maapektuhan sang transport strike subong nga adlaw, Abril 15,2026.
Suno kay Gasataya siguruhon man sang ciudad ang safety sang mga pasahero kag mga pumuluyo nga yara sa dalan.
Nagaapelar man ini sa tanan nga makigbahin sa transport strike nga ang kada isa ang may kinamatarong man sa pagpalab-ot sang mga hibubun-ot kag panindugan sa pila ka mga issues apang dapat himuon lang ini sa paagi nga malinong kag matawhay.
Ang masunod ang natumod nga routa para sa Libre sakay.
Sa Bata, ang pick-up point ang yara sa Mormon’s Church kag ang drop off point ang sa Lacson St, B.S, Aquino Drive, Burgos St, Bacolod Government Center, Rizal St, Plaza kag Gatuslao.
Sa Banago, pick-up point Banago Barangay Hall kag ang drop off point ang routa sang Banago nga jeep.
Sa Singcang-Airport ang pick-up point yara sa CalongCalong Palmas Del Mar kag ang drop off point ang yara sa routa sang Singcang nga jeep, plaza kag Bacolod City Government; Sa Estefania ang pick-up point ang yara sa Estefania Barangay Hall kag ang drop off point ang yara sa routa sang jeep nga Estefania, Sa Paglaum Village-Mansilingan ang pick-up point bangga Paglaum Village kag drop off point ang yara sa routa sang Jeep nga Mansilingan kag sa routa nga Cabug-Alijis ang pick-up point ang yara sa Bangga Cabug-Alijis kag drop off ang yara sa Araneta, Plaza, Gatuslao, 888 Mall, Lopues East kag Bacolod City Government Center.
