May natumod na ang Bacolod city government nga mga lugar nga pahamtangan sang Pabahay kag relocation project sang administrasyon ni Mayor Alfredo Benitez.
Suno kay Benitez, target sini nga makatukod sang 5,000 ka mga units sa una sini nga tuig sa opisina kag sa karun ginapangitaan na sang lugar kun diin ini ibutang.
Suno sa alkalde, ideally, mas manami kun ini ang malapit sa ciudad ukon downtown area.
Sa karun suno sa iya, sila ang naganegosyar na sa mga bangko kun sarang nga matake over ang ila mga propedad agud makatukod sang onsite housing program.
Suno diri, magatukod naman sang task force tuhoy sa infrastructure kag baha si Councilor Vladimir Gonzales kun sa diin luyag sini nga may koordinasyon sa tunga sang city engineer kag Department of Public Works and Highways (DPWH) tuhoy sa pagbutang sang drainage plan.
Ginkumpirmar man ni Benitez nga may yara pa sang bakante sa relocation site sa Purok Arao, Barangay Vista Alegre kag iya pa ini pagabisitahon.
Nalakip naman sa proposal sini ang pagbutang sang terminal sa relocation site agud isa na lamang ka sakay ang ibyahe ang mga residente padulong sa downtown.
Suno sa iya, indi didto pag-ibutang ang Pabahay project.
Wala pa ini nakahibalo kun posible nga sa Purok Arao igatukod ang bag-o nga sementeryo sang ciudad kag sa karun ini ang ila pa ginapangitaan sang lugar.
