Apat ka mga ordinansa ang ginaduso sa Bacolod City nga maaprubahan agud nga makabulig sa mga kapulisan sa pagsolbar sang nagaluntad nga krimen sa ciudad.
Sa interview sang Bombo Radyo Bacolod kay Police Col Joeresty Coronica, City Director sang Bacolod City Police Office, una nga ordinansa amo ang amendment sang CCTV ordinance bangud ang nasambit nga ordinansa sa Karun Ang naga-require sang court order antes makakuha sang kopya.
Suno kay Coronica sa tion nga ma amyendahan ang CCTV ordinance ma-compel sang mga kapulisan ang mga business establishments nga mag produce sang kopya sang CCTV footage nga ginapatihan nga makabulig sa imbestigasyon sang kaso kag masolbar ang nagaluntad nga krimen.
Ang ikaduha nga ginaduso amo ang pagdihon sang modify muffler ordinance bangud ang ciudad ang Wala sang kaangay nga ordinansa.
Dugang pa sang city director ginaduso man Ang pagpasar sang Anti Drunk and Drive Ordinance bangud Ang mga kapulisan Karun Ang Indi makapatuman sang nasambit nga pagsulundan Kun Wala sang koordinasyon sa Land Transportation Office.
Ginaduso man sang mga kapulisan amo ang pagpasar sang ordinansa nga magarequire sa mga nagapamakal sang scrap nga kuhaan sang detalye ang mga ginbaligya pareho sang grills kag sin o ang nagbaligya sinj agud nga kun kinahanglanon sang mga police ang detalye para sa pagsolbar sang nagluntad nga krimen.
Dugang pa ni Coronica Ang mga police mahimo man magtest Kun nagasunod Ang mga business establishments sa ginaduso nga ordinansa bangud kun wala mahimo makapatuman sang penalidad ukon ground sa revocation sang business permit.
Sa karun nakasulat na ang city director sa Sangguniang Panlungsod da pagpanguna ni Bacolod City Vice Mayor Claudio Jesus Puentevella.
