Ginahulat pa sang Bacolod City Government ang certificate of exemption sang 273 ka proyekto gikan sa Commission on Elections.
Sa interview sang Bombo Radyo Bacolod kay Secretary to the Mayor Atty Marty Go, una na nila nga ginsumiter ang application para sa exemption sang mga social services kag housing related projects sang ciudad antes paman ang Marso 28, campaign period para sa local candidates sa 2025 Midterm Elections.
155 ka ongoing nga public work projects kag 86 nga ipaidalom pa sa public bidding samtang 32 naman ka items ang sa social services.
Ang listahan ang gin-acknowledge naman sang Comelec gani ginahulat nalang nila nga mahatag ang certificate of exemption.
Samtang nasumiter naman sang nakaligad nga duha ka semana sang City Engineer’s Office ang para sa public works.
Aminado ini nga indi na dapat lakip sa ila ang para sa national projects kaangay sang Assistance to Individuals in Crisis Situation (AICS) distribution sang Department of Social Welfare and Development (DSWD), apang agud makaseguro ginmando ni Bacolod City Mayor Alfredo “Albee” Benitez nga ini ang applyan man.
Apang magluwas sa ila, nagapati si Go nga nag-apply naman ang DSWD para sa exemption sang programa para sa tanan.
Samtang sa mga Barangay Projects nga ginapondohan sang City Government, suno kay Go ini kuntani ang responsibilidad na sang tagsa ka Barangay.
Apang ang City Engineer’s Office ang nagpahayag nga ginacompile nila ang mga request, agud ila nalang nga masumiter sa Comelec.
