Ginalauman sang city administrator sang Bacolod City nga makabaton na sang response ang ciudad nagikan sa national IATF tuhoy sa hingyo ni Mayor Evelio “Bing” Leonardia nga ipaidalum na ang Bacolod sa modified general community quarantine (MGCQ) sa bulan sang Nobyembre.
Sa interview sang Bombo Radyo kay Bacolod City Administrator Em Ang, gin-endorso na sang Department of the Interior and Local Government Region 6 kag Department of Health Western Visayas sa NIATF ang apelasyon sang alkalde.
Suno sa iya, subong nga adlaw pormal na nga iturn over ang isolation facility sa Barangay Alijis kag magaabot sa ciudad ang pila ka mga opisyales sang DOH kag IATF.
Nagalaom ini nga may resulta kag desisyun na sila sa nasambit nga apelasyon bangud duha na lang ka adlaw ang nabilin antes ang bulan sang Nobyembre.
