Nagapakigangot na sa karon sa Office of the President ang Bacolod City Government matapos nga ginpadal-an sang imbitasyon si Presidente Ferdinand Marcos Jr para sa turnover activity sang Pabahay Program sang Marcos Administration.
Sa press conference kahapon, ginpahayag ni Bacolod City Mayor Alfredo “Albee Benitez, nga ang proyekto ang indi lamang housing units kundi may mga pasilidad man kaangay sang swimming pool, clubhouse, basketball court nga ginatawag nga “Marcos Park”.
Sang Domingo, liwat nga gin inspeksyon ni Benitez kaupod si Department of Human Settlements and Urban Development (DHSUD) Secretary Jerry Acuzar kag Regional Director Eva Marfil ang construction sang proyekto.
Sa Disyembre 20, 2023 gintalana ang turnover sang mga housing unit sa mga beneficiaries.
Suno sa alkalde ini ang labing-una nga turnover para sa nation wide nga pabahay program sang Marcos Administration.
Suno kay Benitez, may yara sang administrator nga idesignar sa lugar kag sa ulihe itugyan sa Homeowners Association.
25 ka mga buildings ang pagatukuron sa Arao Relocation Site, kag duha dire ang natapos na samtang iban ang padayon nga ginatukod.
