Nagpanghatag sang fresh milk ang Bacolod City Government sang Lunes sa mga estudyante sa Kinder tubtob sa Grade 6.
Suno kay Bacolod City Councilor Renecito Novero, ang programa ang ginpangunahan mismo nanday Mayor Evelio “Bing” Leonardia kag Vice Mayor El Cid Familiaran, samtang siya naman ang representante sang Local School Board.
Kahapon, nakahatag sila sang 1.2 million ka packs sang fresh milk sa mga Kinder tubtob sa Grade 6 students.
16,918 ka mga estudyante ang nangin benepisyaryo kun sa diin nakabatun sang 70 ka packs sang fresh milk ang kada isa.
Paathag ni Novero nga luyag nila nga ibuild up ang physical condition sang mga kabataan.
Suno sa konsehal, personal ini nag nagapati nga kun luyag makaangkon sang healthy brain, dapat man nga healthy ang lawas.
Nagsigo naman diri ang programa ni Mayor Bing Leonardia gani malipayon ini nga magkooperar.
Paathag sini nga sa 1st batch sang distribusyon sang Lunes, nagdangat sa P22 million ang balor sang napanghatag nga fresh milk.
Ini ang ginpanagtag sa pito tanan ka distrito samtang ini ang ginpanghatag naman sa mga School Principal.
Paathag ni Novero nga ang prinsipal na ang bahala nga maghuman sang mekanismo agud nga mapalab-ot ang fresh milk sa mga deserving nga kabataan.
Suno sa konsehal, may magasunod pa nga batch sang pagpanagtag kun sa diin may natalana nga P20 million nga budget.
