Nagapangabay ang city administrator sang Bacolod City sa publiko nga tumanon ang mando ni Mayor Evelio “Bing” Leonardia nga pagdumili sa pagbisita sa mga patyo sa Oktubre 30 tubtob Nobyembre 2, 2021.
Suno kay Atty. Joseph Eduard Cuansing, likawan lang anay ang pagpadulong sa mga sementeryo sa nasambit nga petsa kag dapat panumdumon gid una ang ikaayong lawas kag kaluwasan batok sa virus.
Suno diri, tinutuyo sang closure nga malikawan ang mass gathering.
Aminado man ini nga isa sa mga concerns sang ciudad amo ang nagakatabo nga kinawatay kag vandalism sa patyo ilabi na sa Bacolod North Public Cemetery sa dalan Burgos.
Suno kay Cuansing, kinahanglan na gid ang bulig sang Bacolod Police Station 4 agud makontrol ang kinawatay sa patyo bangud wala man sang gwardiya diri kun gab-i.
