Nagpatigayon sang bloodletting activity ang Bacolod City Government bilang preparasyon sa padayon nga pagsaka sang kaso sang dengue.
Suno kay Dr Eric Saratan, Special Adviser on Health sang Bacolod City, ang bloodletting activity ang ginpangunahan sang Bacolod City Comprehensive Health Program (BacCHP) kaupod man ang Corazon Locsin Montelibano Memorial Regional Hospital.
Suno diri, ini ang preparasyon para sa nagasaka nga dengue case sa ciudad.
Madumduman nga nakaligad nagdangat na sa kapin sa 800 ang narecord nga kaso sang dengue.
Kaina, 100 ka mga blood donors ang nagparticipate sa programa sang ciudad nga “Dugo mo, Kaluwasan ko”.
Pahayag ni Saratan, ang bloodletting activity ang nagatuyo nga magbulig sa nagakinahanglan sang dugo ilabi na nga padayon ang pagsaka sang dengue case.
