Bacolod City Government nagtukod na sang duha ka fuel monitoring and inspection team

May gintukod na nga duha ka fuel monitoring and inspection team sa ciudad sang Bacolod.

Sa interview sang Bombo Radyo kay Secretary to the Mayor Atty Marty Go, maumpisa na sa masunod nga semana ang pagmonitor sang team sa presyo sang produktong petrolyo sa mga gas stations sa ciudad.

Suno diri, ang team ginalakipan sang City Administrators Office, City Treasurers Office, Business Permit and Licensing Office, City Legal Office, City Communications Office, kag Bacolod City Police Office.

May yara sang forms nga ginhatag ang Department of Energy sa monitoring team kag ini ang ila report nga ipasa kada adlaw sa DOE.

Ang DOE ang magalantaw kun may yara sang bayolasyon kag ang depertamento na ang magahatag sang nagakaigo nga sanction.