Preparado na ang Bacolod City sa pag-host ng Batang Pinoy 2026 nga patigayunon sa December 12 tubtob December 18.
Sa interview sang Bombo Radyo Bacolod kay Councilor Jason Villarosa, Chairperson sang Committee on Tourism sa Sangguniang Panlungsod sang Bacolod City, nagpatigayon na sila sang Inter-agency coordination meeting kaupod si Philippine Sports Commission Chairman Patrick “Pato” C. Gregorio, City Government sang Bacolod sa pagpamuno ni Bacolod City Mayor Greg Gasataya, kapulisan, katapo sang Bureau of Fire Protection kag nagkalain-lain nga ahensya sang gobyerno sa ciudad para sa preparasyon sa Batang Pinoy 2026.
Suno kay Villarosa, bulan pa lang sang Oktubre halos fully-booked na ang hotels kag AirBnBs sa ciudad sang Bacolod kag bangud sini delegates nga nag-book sa kalapit nga mga Local Government Units.
Ginalantaw sang Philippine Sports Commission nga ang mga magapadulong sa ciudad para sa Batang Pinoy ang magadangat sa 35,894 kag ini ang lakipan sang 27,763 athletes, 6,144 coaches, kag 1,987 delegation officials.
Ang Batang Pinoy ang may yara sang Sports events kag pila diri ang gymnastics bowling, golf, swimming, archery, football, futsal kag iban pa.
Ang mga billeting areas ang naplastar na kag pila diri ang yara sa Antonio L. Jayme Elementary School (ALJES); eskwelahan sa Granada kag Mansilingan.
Suno sa konsehal ang pag-host sang Batang Pinoy 2026 ang dako man nga bulig sa ekonomiya sang ciudad sa idalom sang Sports Tourism.
