Siguruhon anay sang ciudad sang Bacolod nga wala sang himata sang brgy officials ang nakasulod sa Presidential Scholarship Grant antes irelease ang pondo.
Suno kay Bacolod City Mayor Greg Gasataya, sang tinalikdan nga Biyernes naka-istorya na ang DILG sa mga Brgy officials sa ciudad agud iplastar ang tanan nga mga kinahanglanon nga dokumento nga i-comply.
Naka-istorya naman ang Alkalde sa finance team nga suno sa iya isa sa mga prayoridad agud mapanagtag na ang P200,00 nga assistance sa idalom sang Bawat Bayan Makikinabang (BBM) program para sa 61 ka brgy sang ciudad.
Imbitahan man ni Mayor Gasataya ang tanan nga brgy officials sa subong nga semana agud pamangkuton kun may himata sila nga ginpasulod sa scholarship.
Madumduman nga may pila ka mga brgy kagawad ang ginbatikos sa social media matapos ginpasulod ang ila kabataan sa Scholarship Grant nga makabaton sang P20,000.
Paathag sang alkalde nga kinahanglan ‘not related’ ukon indi miyembro sang pamilya, bata, hinablos ukon pakaisa sa opisyal sang Brgy ang ipasulod sa scholarship agud likaw sa isyu.
