Bacolod City government, wala sang gasto sa mga personnel sang telco nga nagakakas sang mga spaghetti wires

Gin-athag ni Bacolod City Councilor Al Victor Espino nga wala sang gasto ang city government sa paglimpyo sa mga ‘spaghetti wires’ sa ciudad.

Sa interview sang Bombo Radyo kay Espino, mga personnel sang telco kag internet providers nga nagagamit sang mga kable ang nagapangkakas sang non-working wires.

Ang city government naman ang nagahatag sang guidance kun sa diin nga bahin sang ciudad ang limpyuhan.

Nagaupod man ang CENECO sa task force bangud sila ang nagapanag-iya sang poste.

Suno kay Espino, Dalan San Juan ang una nga ginlimpyuhan bangud nagasagnoy na ang wires kag halos malab-ot na sang tawo.

Kakason ang tanan nga spaghetti wires sa bug-os nga ciudad lakip na ang yara sa private subdivisions.