Gin-athag ni Bacolod City Administrator Atty. Mark Steven Mayo nga indi pagibaligya ang Burgos Public Cemetery.
Suno kay Atty. Mayo, nagpatigayon sila sang consultative meeting kun sa diin gin-imbetar nila ang mga pamilya sang 450 ka mga nalubong sa nasambit nga sementeryo nga apekto sang exhumation nga patigayunon sang ciudad.
Suno kay Mayo, ang purpose sang exhumation amo ang kay-uhon ang porsyon sang sementeryo nga nahamtang sa dalan Lopez-Jaena nga naguba.
Ginpahayag man sini nga kun masaylo sa Handumanan Public Cemetery ang mga skeletal remains sang 450 ka mga nalubong sa nasambit nga sementeryo mangin plastado na kag indi na maayawan ang pamilya sa pagpangita sa mga ini.
Ang isa ka bone fault ang makaakomodar sang apat ka skeletal remains.
Dugang pa sini magluwas sa repair sa bahin sang Burgos Public Cemetery kinahanglan man sang ciudad nga magestablisyar sang loading and unloading area para sa safety sang mga pasahero nga nagapanaog kag nagasakay sa bangga patyo.
Ginpahayag man sini nga ang common misconception sang pamilya nga himuon ang repair bangud gina-alegar nga ibaligya ang Burgos Public Cemetery apang ginklaro sang Bacolod City Administrator nga wala sang kaangay nga plano ang samad.
