Ginkumpirmar ni Bacolod City Councilor Al Victor Espino, chairman sang committee on police matters kag peace and order sa City Council, nga aprubado na sang Sangguniang Panlungsod ang resolution nga iya gin-author nga nagahangkat sa City Health Office paagi sa Office of the City Mayor nga magpatigayon sang mental health program para sa mga uniformed personnel.
Sa interview sang Bombo Radyo kay Espino, ginpahayag sini nga nagapatigayon sang neuropsychological test sa mga police personnel kun may yara lang sang promotion kag malaka lang ini suno sa iya.
Suno diri, kahapin, ginmodify ang resolution nga nagahingyo sang CHO nga maghimo sang community based mental health program bangud nagapati ang konsehal nga ang pulis nga nagluthang sa mag-iloy nga Gregorio ang may yara sa problema sa mental health.
Igarequire suno sa iya ang tanan nga law enforcement officer kag men and women in uniform nga may mga firearms agad mahatagan sila sang bulig.
Nagalaom si Espino nga ang nasambit nga resolusyon ang mangin una nga tikang para sa permanente nga mekanismo agud malikawan nga matabo ang kaangay nga insidente sa Tarlac sa ciudad sang Bacolod.
