Ginpanugyan sang Bacolod City Health Office sa pumuluyo nga indi magpanic sa karun nga may nakumpirmar na nga isa ka kaso sang MPox ukon Monkeypox sa Bacolod City.
Sa interview sang Bombo Radyo Bacolod kay Dr Grace Tan, head sang Environment and Sanitation Division sang Bacolod City Health Office, closely monitored na ang pasyente kag estable na ang kondisyon sini.
Suno diri, wala sang travel history ang pasyente kag local contact gid lamang ini.
Panugyan sini likawan ang intimate skin to skin kag direct contact kag paggamit sang gamit sang iban.
Apang, paathag sini nga kun naga-esturyahanay lang ang duha ka tawo, indi mapasa ang virus.
Dugang pa ni Tan nga kun makabatyag sang hilanat, palanakit sang lawas, kag may rashes mag maayo nga magpa-checkup na gilayon.
