Nagpahanumdom ang City Health Office sa mga ginakaon nga pagkaon ilabi na sa mga ginapatigayon nga Christmas Party kag Year End Party.
Sa interview sang Bombo Radyo kay Environmental Sanitation Division of City Health Office Head Dr. Grace Tan, dapat permi tandaan nga may yara sang posible nga makuha nga Food and Water Borne Disease, ukon ang mga sakit nga pwede makuha sa pagkaon kag tubig.
Suno diri, dapat nga siguraduhon nga may license kag permit ang ginabaklan sang pagkaon kag hibaluon kun diin ini ginpreparar bangod kun kaisa wala mahibaluan nga ang ginabakal nga barato ang kun kaisa madamo sang addtitives.
Nagpanugyan man ini nga siguraduhon nga ang ginakuhaan sang tubig malimpyo kag kun magpreparar sang pagkaon, pilion ang indi madasig maguba.
Dugang pa sini, mas maayo nga kun may kinalain na sa duag kag nagapanimaho na ang pagkaon, ini ang likawan na lang.
Samtang, sa mga pagtililipon naman ilabi na sa mga Christmas party kag year end party, suno kay Tan mas maayo magparctice sang social distancing, kag magsuksok sang face mask ilabi na sa karun nga madamo sang ginatrangkaso.
