Ginpasalig sang Bacolod City Health Office nga ginamonitor sang maayo ang mga medical workers nga natublukan sang bakuna batok sa COVID agud mahatagan gilayon sang pagtamod kun may nabatyagan sila nga adverse effects.
Sa interview sang Bombo Radyo kay Dr. Alma Ruiz, medical officer sang Bacolod City Health Office nga assigned sa Banago Elementary School 1, nagvolunteer ang mga barangay health workers nga nagpabakuna kaina sang aga.
Ang vaccine recipient ang may ginpirmahan nga consent form kun sa diin ginbutang diri ang serial number sang bakuna agud nga kun may yara sang side effects, mahibaluan kun sa ano nga batch nagikan ang bakuna.
May yara man sang contact number kag pirma sang nurse nga nag-administer sang bakuna.
Ang vaccine recipient ang ginahatagan man sang vaccination card nga ila taguon bangud mahimo nga maabot ang tinion nga ini ang iga-require sang gobyerno kaangay sa Bureau of Immigration.// Ang vaccination card ang gin-imprinta sa green, yellow ukon puti nga papel.
