Natalana na nga pagatukuron ang coldroom sa compound sang Bacolod City Health Office.
Sa interview sang Bombo Radyo Bacolod kay Bacolod City Health Officer Dr. Carmela Gensoli, ginalantaw sini nga ginpaidalom sa na sa bidding ang pagpatukod sang coldroom.
Suno kay Gensoli, mahimo nga malapit nalang ini nga masuguran bangud sang tinalikdan nga tuig pa ginguba ang daan nga coldroom kag ini ang pagasayluhon sa compound sang CHO.
Ang City Health Office ang may temporaryo nga coldroom sa annex building sang Bacolod City Government Center sa tion sang Covid-19 pandemic.
Suno diri, importante nga may coldroom ang LGU para sa husto nga storage sang bakuna kag mas maayo nga malapit sa CHO office para malikawan ang exposure kag contamination.
Suno kay Gensoli may yara man sila sang transport venue kun sa diin may yara sang truck nga magasulod kag ang mga bakuna isulod sa coldroom.
Ginpahayag man sini nga mas naayo nga accessible man sa ila ang coldroom nga indi na kinahanglan nga magkadto pa sa government center.
