Wala pa sang narecord nga kaso sang monkey pox ang Bacolod City Health Office apang ini ang nagapanawagan ang mga ini sang bulig kag kooperasyon nagikan sa publiko.
Ginpahayag ni Dr. Grace Tan, Head sang Environmental and Sanitation Division sang City Health Office, wala sang nagpositibo sa MPox sa ciudad kag may yara lamang suspected apang nagnegatibo man ang mga ini sang gin-test sa nasambit nga balatian.
Suno kay Tan, ang wala nareport ang indi makabig nga suspected.
Dugang pa sini kun wala sang kooperasyon sang publiko sa pag-report indi gid ma-identify ang mga ginasuspetsahan nga positibo sa makalalaton nga balatian.
Sa karon, wala sang pending nga gina-test ang CHO nga suspected sa sakit nga Mpox.
Ang sintomas sang MPox amo ang hilanat, sakit sang ulo, nagasakit ang tul-an, nagahubag nga lymph nodes, fatigue, kag rashes.
Makuha ini paagi sa person-to person transmission, indirect nga contact sa kontaminado nga hiligdaan, kag zoonotic transmission.
