Nagpasaka sang reklamo ang National Bureau of Investigation (NBI)-Bacolod City batok kay City Health Officer Dr. Carmela Gensoli bangud sa gina-alegar discrepancy sa pagreport sang COVID-19 results nagikan sa molecular laboratory sa Corazon Locsin Montelibano Memorial Regional Hospital sa Emergency Operations Center (EOC).
Sa interview sang Bombo Radyo Bacolod kay Renoir Baldovino, pinuno sang NBI-Bacolod City, ginpahayag sini nga sang Nobyembre 16 sila nag-file sang kaso sa City Prosecutor’s Office batok kay Gensoli bangud sa paglapas sini sa Reapublic Act 11332 ukon Mandatory Reporting of Notifiable Diseases and Health Events of Public Health Concern Act kag RA 11494 ukon Bayanihan to Recover as One Act.
Suno kay Baldovino, mismo si deputy chief implementer for Visayas Retired General Melquiades Feliciano ang naghingyo sa NBI nga paimbestigaran ang CHO bangud gina-alegar nga may yara sang data nga wala ginareport ni Gensoli sa EOC.
Suno sa NBI-Bacolod chief, may yara sila sang sufficient basis nga nakita rason nga gin-file nila ang kaso.
Sa karon ginahulat pa ang preliminary investigation sang Fiscal Office agud mahibaluan kun may yara sang basehan agud pasakaan sang kaso si Gensoli.
