Nadugangan sang tag-isa ang numero sang mga nagpositibo sa coronavirus disease 2019 sa ciudad sang Bacolod kag sa probinsya sang Negros Occidental.
Sa ginpagwa nga COVID-19 case bulletin No. 70 sang Department of Health Region 6, apat ang nagdugang sa Western Visayas kun sa diin tag-isa ang nagikan sa Bacolod City kag Negros Occidental samtang halin naman sa Mandurriao kag Molo sa ciudad sang iloilo ang duha ka iban pa kag lunsay mga OFW repatriates.
Si Bacolod Patient No. 16 ang isa ka 43-anyos nga lalaki nga seafarer.
May yara ini sang travel history sa England.
Nahibaluan nga nag-abot ini sa Manila sadtong Abril 23 kag nagpaidalom sa facility quarantine tubtob sang Mayo 19.
Nagnegatibo man ini sa ginpatigayon nga rapid test kag RT-PCR test sa iya sa Manila.
Nagpauli ini sa Bacolod sang Mayo 20 kag gilayon nga gindala sa quarantine facility.
Ginkuhaan ini sang swab sample sang Mayo 26 kun sa diin naggwa ang resulta kahapon.
Si Bacolod Patient No. 16 ang asymptomatic apang nagasufrer sang hypertension.
Samtang, si Negros Occidental Patient No. 11 naman ang isa ka 31-anyos nga babayi kag residente sang Barangay Sta. Rosa, Murcia.
May yara ini sang history of travel sa Hong Kong kag nag-abot sa Manila sadtong Marso 28.
Ang amo nga pasyente ang asymptomatic.
