Nalakip ang Negros Occidental kag Bacolod City sa mga lugar nga ginrekomendar sang Inter-Agency Task Force against Emerging Infectious Diseases kay Presidente Rodrigo Duterte nga ipaidalum sa General Community Quarantine (GCQ) sa bulan sang Hulyo.
Kagab-i, nagpagwa sang rekomendasyon ang Inter-Agency Task Force against Emerging Infectious Diseases sang rekomendasyon tuhoy sa quarantine classifications sang mga local government units sa pungsod.
Pila ka mga lugar ang ginsuhestiyon nga ipaidalum sang modified enhanced community quarantine tubtob Hulyo 15 bangud sa padayon nga paglapta sang COVID-19.
Ini ang ginalakipan sang Cagayan; Apayao; Bataan; Lucena City; Puerto Princesa; Naga City; Iloilo City; Iloilo; Negros Oriental; Zamboanga Del Sur; Zamboanga Del Norte; Cagayan De Oro City; Davao City; Davao Oriental; Davao Occidental; Davao De Oro; Davao Del Sur; Davao Del Norte; Butuan City; Dinagat Islands; kag Surigao Del Sur.
Sa kaangay nga period, igapaidalum man sa general community quarantine with some restrictions ang Metro Manila, Rizal kag Bulacan.
Ipatuman naman ang GCQ with heightened restrictions sa Laguna kag Cavite tubtob Hulyo 15.
Samtang, ginpaidalum sa General Community Quarantine ang Baguio City, Ifugao, City of Santiago, Isabela, Nueva Vizcaya, Quirino, Batangas, Quezon, Guimaras, Aklan, Bacolod City, Negros Occidental, Antique, Capiz, Zamboanga Sibugay, City of Zamboanga, Iligan City, General Santos City, Sultan Kudarat, Sarangani, Cotabato, South Cotabato, Agusan del Norte, Surigao del Norte, Agusan del Sur, kag Cotabato City.
Suno sa IATF, ini ang “subject to LGU” appeals.
