Naghatag na sang sabat ang Bacolod City Legal Office sa sulat sang kapitolyo probinsyal may kaangtanan sa ambulant vendors sa North Capitol road.
Sa interview kay Atty. Karol Joseph Chiu, formally nakapasa na ini sang ila nga sabat kun sa diin gindepensahan sini ang ordinansa nga ginpasar sang Sangguniang Panlungsod kag nangin punto man sang ila nga pagregulate sang mga vendors nga pila na katuig nga nagaplastar sa nasambit nga area.
Ang ginbasehan sang regulation sang mga ambulant vendors amo ang Bacolod City Ordinance 1009 nga nagapahanugot sang ambulant vendors sa pila ka dalan sa ciudad sang Bacolod.
Suno pa kay Chiu magahinun-anon man sila ni Bacolod City Administrator Atty. Mark Steven Mayo angot sa pagre-orient sa mga ambulant vendors nga nakakuha sang special permit kag i-clear ang mga wala sang permit.
